【有種好男人】李佳芯演繹幾種不同喊法　Ali多層次演技獲大讚

一連20集劇集《有種好男人》今晚（1月20日）晚播大結局，昨晚（1月19日）播出《有種好男人》劇情緊湊，講述日正（馬德鐘飾）憑藉Woody提供線索，成功救出Woody，只能穿著襪子逃亡的Woody。

混亂間遭匪徒拋落山，日正遂背著他離開藏參地，二人感情邁進一大步。

之後，Woody被送往醫院搶救，原以為情況穩定，豈料突然發高燒兼腳部出現「壞死性筋膜炎」，隨時有被截肢可能。

昨晚亦是李佳芯（Ali）考牌作，Ali一集內挑戰多場不同層次的喊戲，包括強裝堅強、擔心崩潰、心痛落淚、倍感安慰及放下心頭大石Mode等，其中一場Ali強忍奪眶而出淚水的場面，更是我見猶憐。

▼點擊圖片放大

+5

+4

Ali演喊戲獲讚

對於Ali喊戲，不少網民予以正評：「表現到一個媽媽對兒子嘅愛，令人心痛」、「好真又有層次，唔同情景有唔同喊法」、「Ali幾場喊戲都做得好好，面對不同情況同對象喊，演出都有唔同」、「好自然唔會Over」。就連Ali「兒子」Ricco，亦獲讚好戲。

事後Ali受訪時坦言擔心喊戲效果，皆因自己本身很少哭於人前，亦不擅長喊戲，她更坦言拍攝醫院喊戲時一度喊唔出：「有時因為瞓得少、休息唔夠，情緒就更難收放自如，我記得今次醫院嘅戲我有試過喊唔出，但導演同工作人員好好，見我未Ready就調配場口就我，好多謝佢哋。因為冇得逼啲眼淚出嚟，我又唔想用眼藥水，因為想用真感情。」 

▼點擊圖片放大

+5

+4

兩大女神終極對決

今晚一集大結局亦是相當精彩，劇中兩大女神Ali及陳自瑤（Yoyo）將進行終極對決，前者以仙氣喱士白色長裙Look登場，迎戰後者展現完美身段的白雪雪婚紗Look。

另外，對於拍戲「唔著鞋」通山跑，Ricco笑言幸好有劇組貼心準備鞋墊護腳，他又指馬神比他更辛苦：「要佢孭住我，我都有啲唔好意思，仲要係行樹林啲凹凸位，好彩佢身手敏捷。」

Ricco續指馬神拍攝其中一幕跳落山坡戲份時不但親身上陣，其間雖然遭石頭刮損手，但仍堅持完成所有拍攝後才處理傷口，相當專業，Ricco說：「我都有啲心痛，因為我見到傷口入面仲有啲石粒。」

Ricco又指昨晚及今晚的醫院戲份，對他來說是很大挑戰：「我哋拍咗2、3晚，每晚每一場都好重情感戲份，都真係令我深深體會到拍劇嘅辛酸。有時你拍完一場喊戲，跟住第二場戲大家又和好晒，之後又要拍番喊戲，對演員情緒嚟講係好大顛覆。」

他又謂，全靠馬神及Ali交足戲，拍攝喊戲時才如此順利，並直指拍《有種》很開心。

最新影片推介：